نخب الصحراء – الداخلة
فخرجة إعلامية، عبّر محمد بوبكر، العضو فمجلس جهة الداخلة وعضو فمجلس الجماعة وكذا فالمجلس الملكي الاستشاري للشؤون الصحراوية، على الفخر ديالو بالإنجاز الكبير اللي حققو المغرب تحت القيادة ديال الديبلوماسي الأول، سيدنا الله ينصرو، من بعد ما خرج القرار التاريخي ديال مجلس الأمن اللي كيأكد أن مقترح الحكم الذاتي هو الحل الواقعي والجاد للنزاع المفتعل حول الصحراء المغربية.
بوبكر قال باللي هاد القرار كيعتابر محطة تاريخية كبيرة، بحيث شرعن رسمياً مغربية الصحراء فالمحافل الدولية، ودحض كل الأكاذيب والادعاءات اللي كانت كتروجها جبهة البوليساريو بدعم من العسكر الجزائري.
وزاد محمد بوبكر وأكّد أن الخطاب الملكي الأخير كان فـغاية الوضوح والحكمة، خصوصاً وان سيدنا مد فيه اليد لإخوانا فمخيمات تندوف، ورحب بيهم فبلادهم المغرب، بين أهلهم وناسهم، فظل الأمن والاستقرار اللي كينعم بيه الوطن.
من جهة أخرى، نوّه بوبكر بالتنمية الكبيرة اللي عرفاتها الأقاليم الجنوبية، وقال أن هاد الازدهار جا بفضل الرؤية البعيدة لجلالة الملك محمد السادس نصره الله، اللي أطلق النموذج التنموي الجديد فالأقاليم الجنوبية سنة 2015، واللي خلا مناطق الصحراء المغربية تعرف نهضة اقتصادية واجتماعية كبيرة وخلاها قدوة فمجال التنمية المستدامة.
وختم محمد بوبكر كلامو بالتأكيد على أن القرار الأممي الأخير ما هو إلا تتويج للمجهود الديبلوماسي المتواصل للمغرب، وانتصار كبير للقضية الوطنية، ومحمد منساش انه يوجه الدعوة لإخواننا فتندوف على أنهم راهم مرحب بيهم فأرضهم وفوطنهم لي فيه الكرامة والعيش الكريم، ومن جهة ثانية بوبكر دعا المغاربة كاملين باش يبقاو متاحدين وراء القيادي الأول جلالة الملك باش يزيد الوطن القدّام، ويحافظ على وحدتو الترابية، ويكمل مسيرة التنمية والبناء فكل ربوع المملكة.
👇 الفيديوا :
