نخب الصحراء – خبار
شهد ميناء المرسى الأسبوع اللي فات محاولة خطيرة داروها شي وحدين لي كانتةو مخططين باش يشفرو فلايك ديال الصيد ويستعملوهم فالحريگ لسبانية (الهجرة السرية ). مصادر من المرسى قالت بأن هاد الناس كانوا مسلحين بماس وجناوة وناوين يديرو هذ السرقة ديالهم فالليل مستغلين الظلام باش يتسللو للميناء ويسيطرو على شي فلوكة و يهربو بيها.
ولكن جوندارم طلعو مساهلينش وديما حالين العين لي اصلا مكتنعش على بهذ هذ الجرائم، ولي فظل حسهم الأمني يقضرو يحبسو نخطط هذ الشفارة قبل ميتنفذ. فالأول شدّو واحد من المشتبه فيهم وهو متلبّس، وهادشي سهّل عليهم يتبعو الخيط ديال الشبكة الإجرامية ويعرفو باقي أفراد العصابة، ومن بعد التحقيقات قدرات عناصر الدرك انها تشد گاع الأشخاص لي المتورطين.
وكتوضح المعطيات الأولية بأن هاد الشبكة كانت ناوية تستغل داك القارب فعمليات الهجرة غير القانونية، بحال داكشي لي كان وقع فميناء أكادير فالسيمانات والشهور لي فاتت ولي دار بوووم، هدشي اللي خلا محاولات استغلال مراكب الصيد فتهريب البشر للضفة الأخرى تكثر.
السلطات المختصة مزال كتواصل التحقيقات باش تكشف باقي الخيوط والامتدادات ديال هاد الشبكة، خصوصاً وأن المؤشرات كتبيّن أن القضية ماشي معزولة ويكدو يكونو أطراف بزاااف متورطين فيها.
أما الشفارة، فالجوندارم حطهم تحت تدابير الحراسة النظرية تحت إشراف النيابة العامة المختصة، فانتظار ما تتائج التحقيقات لي ممكن تجيب معطيات جديدة فهد الملف.
