نخب الصحراء – بالدريجة
عشية البارح الحد، البوليس لي واقفين فالسد الأمني اللي كاين فالدخلة ديال مدينة الداخلة، وبكلابهم المدربة، قضرو يقرقبو على شاب فعمرو 24 عام، ولي كان جايب الكيف ديال الحشيش اللي كان ناوي يغرق بيه الداخلة.
هذ العملية جات من بعد ما دارت الشرطة واحد تفتيش روتيني لوحد الكار ديال المسافريين اللي كان جاية من مدينة بجهة الشمال، وبفضل الكلاب المدرّبة والمترينية قضرو يكتشافو 56 رزمة ديال الكيف، الوزن ديالها وصل لـ 55 كيلو ونص.
التحقيقات لي داروها البوليس فوسط الكار، خلاتهم يوصلو لصاحب هاد الباليزة لي مشارجية كيف، ولي تشد فالبلاصة من بعد بزاف ديال محاولات ديال النكير.
وهد الشاب لي حاليا محطوط تحت الحراسة النظرية، باش يتدار معاه بحث قضائي لي كتشرف عليه المصلحة الجهوية للشرطة القضائية، تحت إشراف النيابة العامة المختصة، وهدشي باش يعرفو گاع هد القضية باش مطبوخة وشكون وراها، وباش يعرفو حتى الا شي ناس أوخرين داخلين معاه فهد التبزنينزة لي بفضل اليقضة الأمنية وحسهم العالي قضرو يجبدوه قبل ميغرق داخلة بالكيف.
