نخب الصحراء – خبار بالدريجة
اليوم الخميس صادق مجلس الحكومة، على مشروع القانون رقم 032.26… ولكيهم مدونة الشغل، ولي قتارحو وقدمو وزير الإدماج الاقتصادي والمقاولة الصغرى والتشغيل والكفاءات.
وفهد السياق گال الوزير المنتدب المكلف بالعلاقات مع البرلمان، الناطق الرسمي باسم الحكومة، مصطفى بايتاس، فلقاء صحفي من بعد الاجتماع الأسبوعي لكيديرو المجلس، أن هذ مشروع القانون جا باش ينصف اليوم “السيكيرتي” اللي كتربطهم كونطرات مع الشركات لي خدامين فيها والمختصة فقط بالحراسة.
هذ القانون لي صادق عليه اليوم مجلس الحكومة واللي غدي يدخل حيز التنفيد، هو بمثابة عرس للسكيريتي لي كان كيضرب 12 ساعة ديال الحراسة، اليوم وبفضل هد القانون الحراس غدي يولو يشتغلو فقط 8 سوايع بحالهم بحال گاع الموظفين والأجراء وهدشي بموجب المادة 184 من مدونة الشغل.
هذ القانون اليوم هو بمثابة إنصاف إجتماعي استهدف واحد الفئة لي كانت سنوات وهي كتعاني بسبب شطط بعض المقاولين وصحاب الشكارة لي كانو كيستغلوهم مدة طناش الساعة ديال الخدمة المتواصلة، اليوم هذ القانون رد الأعتبار للسكيرتي وخلاه يخدم فقط ثمنية السوايع عوض طناش ساعة وبنفس الأجرة وهدشي لغدي يخليه يرد صحتو ويعطي وقت للأسرتو.
هذ القانون واللي فنفس الوقت غدي يخلي المقاولات ديال الحراسة تزيد تخدم حراس جداد، وهدشي لي كيخلي القانون انهو ماشي غير نصف فئة الحراس وإنما زاد وفتح فرص شغل جديدة.
عذراً التعليقات مغلقة