نخب الصحراء – الفلوس والإستثمار
عرفت مدينة العيون، اليوم، افتتاح واحد من أكبر المشاريع التجارية المعروفة فالجهة، واللي كيتعلق بـ مجموعة اتقداو التجارية، باستثمار مالي وصل لـ 12 مليار السنتيم، فخطوة لي كتعكس الرواج الاقتصادي لي ولات كتعرفو الأقاليم الجنوبية فهاد السنوات الأخيرة.
المشروع وفرّ لأبناء العيون 220 منصب شغل مباشر وغير مباشر، وهادشي كيعتابر دفعة قوية لسوق الشغل فالعيون، خصوصاً لفئة لي مخداماش ولا عندها ديبلومات وكتسنى فرص بحال هاد النوع.
من جهة أخرى، كتقدم مجموعة اتقداو أزيد من 500 منتوج من المواد الأساسية، بمختلف أنواعها، وبأثمنة مناسبة كتخلي المنافسة ترتفع فالسوق المحلية، وكتعطي للساكنة اختيارات أكثر فالتسوق اليومي.
الافتتاح عرف حركة كبيرة وسط الساكنة، بحيث بزاف ديال المواطنين اعتابرو المشروع إضافة مهمة للمدينة، سواء من ناحية تنويع العرض ولا تحسين جودة الخدمات التجارية.
مجموعة اتقداو كترفع التحدي باش تكون واحد الفاعل اقتصادي قوي فالعيون كبرى مدن الصحراء المغربية، لي غتساهم فخلق فرص الشغل وتحريك الدورة الاقتصادية فجهة العيون.
