نخب الصحراء – أخبار
الباحثين الأساتذة لي فـالمعهد العالي للمهن التمريضية وتقنيات الصحة اللي فالعيون، تقريباً كملوا جميع المراحل ديال اعداد مشروع كيخصص خلق وتشيد أول مختبر دكتوراه فالأقاليم الجنوبية، بعدما ضربو تمارة وعصرو دماغهم خرجو بالملف الرسمي النهائي لي حطوه عند الجهات المعنية، وداكشي دابا كيتسنى غير المصادقة.
هاذ المشروع كيتعتبر إضافة كبيرة للبحث العلمي فالصحراء المغربية، حيث كيهدف فخلق و توجويد فضاء علمي كيحلل القضايا الصحية المحلية بدقة متناهية، وكيراقل التحولات اللي كتعرفها المجتمعات فالصحراء، وكيقرا المؤشرات الوبائية والسلوكية…، مع التركيز على العوامل الثقافية والبيئية اللي كيتأثرو بها الناس فالصحة ديالهم.
الرؤية ديال المختبر كتعتمد على تداخل بزاف ديال التخصصات، من العلوم التمريضية، للعلوم الاجتماعية، حتى العلوم البيولوجية، باش ينتج معرفة دقيقة وقدر يستعملها فدعم السياسات الصحية فالجهة، وتقوية التكوين المتقدم فالميادين الصحية فجهة العيون الساقية الحمراء.
وفحال ما الجميع كيتسنى قرار الاعتماد النهائي، الفريق العلمي تحت إشراف الأستاذة المؤهلة الهواوي حسناء وبالتنسيق مع الأستاذ المحاضر صلاح الدين أركيبي، خدام على اللمسات الأولى التنظيمية والعلمية ديال المختبر، باعتبار أن هاذ المبادرة غادي تعطي دفعة كبيرة لحضور الأقاليم الجنوبية فمجال البحث العلمي، وغادي تفتح آفاق جديدة للتكوين والدراسات العليا فمجالات الصحة والتنمية المجتمعية
👇 هاذو لي فالتصاور هوما الأساتذة الشداد لي كيفكرو فمصلحة البلاد.
