نخب الصحراء – خبار بوليسية
بوليس الداخلة شدو ثلاثة ديال الناس من بينهم واحد المرا، وهذ الناس اعمارهم ما بين 24 و45 سنة، وجوج منهم كانوا اصلا كيقلبو عليهم حيث مشكوك فيهم بللي متورطين فموضوع تكوين عصابة إجرامية كتاجر فالمخدرات من نوع الكوكايين والحشيش، وزيد عليهم حتى القرقوبي.
هذ الناس شدوهم واحد بواحد، واللي شدتهم هي فرقة مكافحة العصابات ودائرة الشرطة الوحدة فمدينة فالداخلة، وهدشي جا من بعد تحقيقات وأبحاث فملف الاتجار فالمخدرات، اللي خلات الشرطة توقف واحد فيهم نهار 18 من نفس الشهر.
وملي جاو البوليس ودارو عمليات التفتيش فديور المشتبه فيهم، شدو عندهم فالدار كميات كبيرة من الحشيش، لي تقريبا كتورن 9 كيلو ونص من ديال الحشيش، وعوتاني لقاو 19 لفافة ديال الكوكايين وزنها 17,30 غرام، وزيد عليها 250 قرص ديال القرقوبي نوع ريفوتريل 2مغ، وزيد عليهم حتى طوموبيلة وشي فلوس لي شاكين فالمصدر ديالها.
والمصدر الأمني أكد باللي هذ الأشخاص الثلاثة محطوطين تحت تدبير الحراسة النظرية رهن إشارة البحث اللي كتشرف عليه النيابة العامة، باش يتم تحديد كاع داكشي دارو وعندو علاقة بالإجرام وكذلك داكشي لي دار كل واحد فيهم، وايضا باش يعرفوا لفين واصلة هذ الأنشطة الإجرامية وشكون عندو يد فيها.
